بيتزا رول بالتونة
مطبخ العائلة
شيف محمد بقشيش
حلوووه اوي في الشكل والطعم رائع والاطفال هيحبوها وتنفع وجبه وتنفع كمان في لانش بوكس الولاد
المقادير:
5 كوب دقيق
4 معالق صغيرةخميره
2معلقه صغيرة ملح
نص معلقه صغيره بيكنج باودر
4 معالق كبار سكر
كوبايه ونص مايه دافيه
4 معالق زيت كبار
الصوص:
(4وحدات طماطم مقشره ومبشوره او مفرومه في الكبه / ربع معلقه صغيره ملح و رشة فلفل اسود / زعتر/ اربع فصوص توم مفروم / اربع معالق زيت كبار )
الحشوة :
تونه مصفا من الزيت او المايه / معلقتين مايونيز / عصير لمونتين / بصل مخرط صغير / جبنه موزريلا / جبنه رومي مبشوره / زتون اسود مقطع /فلفل رومي مقطع صغير )
الطريقه :
هنحط الخميره علي المايه الدافيه ومعلقتين من السكر ونسبهم شويه
نحط الدقيق والزيت والبيكينج باودر والسكر والملح مع بعض ونقلبهم شويه وبعدين نضيف الخميره ونعجن كله كويس ونسبها تخمر ساعه
نحضر الحشوه نفتح التونه ونصفيها ونحط عليها الزتون والفلفل الرومي والبصل والمايونيز واللمون ونقلب كله كويس
ونجهز صوص البيتزا هنحط الطماطم المبشوره علي زعتر والتوم والزيت ورشه ملح وفلفل ونقلب كويس
نطلع العجينه ونحاول نفردها علي شكل مستطيل ونخرمها بالشوكه وبعدين نحط صوص الطماطم ومش كتير وبعدين نحط جبنه موزريلا و رومي وبعدين التونه وبعدين جبنه تاني ونلفها رووول براحه خالص ونكون سيبين حته من الاخر من غير حشوه عشان نقفل العجينه
وبعدين مهم جدااااا نقطعها بخيييط بلاش سكينه خالص هتفرق جدا ونحطها في قوالب الكب كيك بعد ما ندهنها زيت وندخلها الفرن يكون سخن علي 180 ولما تستوي نطلعها فوق تاخد لون
وبالف هنااااا
